भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली अयोध्याकाण्ड पद 61 से 70/पृष्ठ 2
Kavita Kosh से
(62)
जो पै हौं मातु मते महँ ह्वैहौं |
तौ जननी !जगमें या मुखकी कहाँ कालिमा ध्वैहौं ?||
क्यों हौं आजु हौत सुचि सपथनि ?कौन मानिहै साँची? |
महिमा-मृगी कौन सुकृतीकी खल-बच-बिसिषन बाँची ?||
गहि न जाति रसना काहूकी, कहौ जाही जोइ सूझै |
दीनबन्धु कारुण्य-सिन्धु बिनु कौन हियेकी बूझै ?||
तुलसी रामबियोग बिषम-बिष-बिकल नारि-नर भारी |
भरत-सनेह-सुधा सीञ्चे सब भए तेहि समय सुखारी ||
