भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली अयोध्याकाण्ड पद 81 से 89/पृष्ठ 6
Kavita Kosh से
(86)
आली! हौं इन्हहिं बुझावौं कैसे ?
लेत हिये भरि भरि पतिको हित, मातुहेतु सुत जैसे ||
बार-बार हिहिनात हेरि उत, जो बोलै कोउ द्वारे |
अंग लगाइ लिए बारेतें करुनामय सुत प्यारे ||
लोचन सजल, सदा सोवत-से, खान-पान बिसराए |
चितवत चौङ्कि नाम सुनि, सोचत राम-सुरति उर आए ||
तुलसी प्रभुके बिरह-बधिक हठि राजहंस-से जोरे |
ऐसेहु दुखित देखि हौं जीवति राम-लखनके घोरे ||
