भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली उत्तरकाण्ड पद 31 से 40 तक/पृष्ठ 3
Kavita Kosh से
(33)
जबतें जानकी रही रुचिर आस्रम आइ |
गगन, जल, थल बिमल तबतें, सकल मङ्गलदाइ ||
निरस भूरुह सरस फूलत, फलत अति अधिकाइ |
कन्द-मूल, अनेक अंकुर स्वाद सुधा लजाइ ||
मलय मरुत, मराल-मधुकर-मोर-पिक-समुदाइ |
मुदित-मन मृग-बिहग बिहरत बिषम बैर बिहाइ ||
रहत रबि अनुकूल दिन, ससि रजनि सजनि सुहाइ |
सीय सुनि सादर सराहति सखिन्ह भलो मनाइ ||
मोद बिपिन बिनोद चितवत लेत चितहि चोराइ |
राम बिनु सिय सुखद बन, तुलसी कहै किमि गाइ ||
