भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली लङ्काकाण्ड पद 16 से 20 तक/पृष्ठ 4
Kavita Kosh से
(19)
बैठी सगुन मनावति माता |
कब ऐहैं मेरे बाल कुसल घर, कहहु, काग! फुरि बाता ||
दूध-भातकी दोनी दैहौं, सोने चोञ्च मढ़ैहौं |
जब सिय-सहित बिलोकि नयन भरि राम-लषन उर लैहौं ||
अवधि समीप जानि जननी जिय अति आतुर अकुलानी |
गनक बोलाइ, पाँय परि पूछति प्रेम मगन मृदु बानी ||
तेहि अवसर कोउ भरत निकटतें समाचार लै आयो |
प्रभु-आगमन सुनत तुलसी मनो मीन मरत जल पायो ||
