भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली लङ्काकाण्ड पद 21 से 23 तक/पृष्ठ 3
Kavita Kosh से
(23)
रागटोड़ी
आजु अवध आनन्द-बधावन, रिपु रन जीति राम आए |
सजि सुबिमान निसान बजावत मुदित देव देखन धाए ||
घर-घर चारु चौक, चन्दन-मनि, मङ्गल-कलस सबनि साजे |
ध्वज-पताक, तोरन, बितानबर, बिबिध भाँति बाजन बाजे ||
राम-तिलक सुनि दीप दीपके नृप आए उपहार लिये |
सीयसहित आसीन सिंहासन निरखि जोहारत हरष हिये ||
मङ्गलगान, बेदधुनि, जयधुनि, मुनि-असीस-धुनि भुवन भरे |
बरषि सुमन सर-सिद्ध प्रसंसत, सबके सब सन्ताप हरे ||
राम-राज भै कामधेनु महि, सुख सम्पदा लोक छाए |
जनम जनम जानकीनाथके गुनगन तुलसिदास गाये ||
