भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली सुन्दरकाण्ड पद 11 से 20 तक/पृष्ठ 9
Kavita Kosh से
(19)
अतिहि अधिक दरसनकी आरति |
राम-बियोग असोक-बिटपतर सीय निमेष कलपसम टारति ||
बार-बार बर बारिजलोचन भरि भरि बरत बारि उर ढारति |
मनहु बिरहके सद्य घाय हिये लखि तकि-तकि धरि धीरज तारति ||
तुलसिदास जद्यपि निसिबासर छिन-छिन प्रभुमूरतिहि निहारति |
मिटति न दुसह ताप तौ तनकी, यह बिचारि अंतर गति हारति ||
