भारत की संस्कृति के लिए... भाषा की उन्नति के लिए... साहित्य के प्रसार के लिए
गुलाबी रंगु / वीना करमचंदाणी
Kavita Kosh से
मुंहिंजे घर जो कमु कन्दी आ
गुलाबी
सन्हिड़ी कारसिरे रंग जी
गुलाबी त कॾहिं रही ई न हून्दी
नालो बिलाशक़ अथसि
गुलाबी।
पाड़े जे केतिरनि घरनि में
बासण मलीन्दी, बुहारी पाईन्दी
नंढा वॾा केतिरा कम कन्दी
पुछन्दी आ असांजो हालु अहवालु
घर धणीअ जी सिहत खां वठी
अमां जे मोतिए सां
पकल अखि जे बारे में
रिश्तेदारनि जे सुख दुख जो बि
पुछन्दी रहन्दी आ गुलाबी।
जॾहिं आङूठे छाप गुलाबी
अजब सां ॾिसन्दी आ
पढ़ाईअ में रुधलु ॿारनि खे
पुछन्दी आ हुननि जी पढ़ाईअ जे बारे में
त लॻन्दो आ
ॼणु दूर ताईं फहलिजी वेई आ रोशनी
रोशन थी वियो आ संदसि चेहरो
‘गुलाबी’
सचु में लॻन्दी आ गुलाबी।
