भारत की संस्कृति के लिए... भाषा की उन्नति के लिए... साहित्य के प्रसार के लिए
गुलाम / श्याम जयसिंघाणी
Kavita Kosh से
(जून 1986 में उलहासनगर में थियल फसादनि जो रदअमल)
गै़रतमंदीअ जे नाले में
मुअल जानवर जे
बासी खल में वेढ़ियल
ओ सिन्धी!
तूं क़ौमी तरानो
उथिलाए-पुथिलाए त ॾिसु
त सचु उते बि कीन्हे।
सिंधु जी ज़मीन
मुंहिंजी न हुई
मूं खे हकालियो वियो
हिंदु जे ज़मीन जो
किथे बि, को बि, इंचु बि
मुंहिंजो कोन्हे
जंहिं ते संएं कंडे बीही
सिंधीअ खे
इतिहास सां जोड़ियां
(‘हिन्दू’ ठपे सबब, कबरुनि में बि
मूं लाइ जाइ कान्हे)
भारतीय रंग भूमीअ ते
हिकु एक्स्ट्रा रोल आहे मुंहिंजो
अलॻ अलॻ राज्य भाषाउनि में
‘भारत (राज्य) माता जी जय’
नारो हणन्दड़ भाड़ेतू टटूं
चाकूं, बन्दूक़ जी नौक ते
वोट ॾेई
ज़ोरावरनि जी
ताक़त बरक़रार रखन्दड़
नक़ली भारती नागरिक।
ऐ तमाशबीन
मूं ते जकिड़ियल जं़जीरूं
तूं ॾिसी न सघन्दें
छो त ज़ाहिरीअ तौर
मूं वटि
यारु बि पंहिंजो कोन्हे।
(मुंहिंजी मुम्बई- 1998)
