भारत की संस्कृति के लिए... भाषा की उन्नति के लिए... साहित्य के प्रसार के लिए

गुल पीलो थी वियो, तोखे हर हर ॾिसी-ॾिसी / एम. कमल

Kavita Kosh से
यहाँ जाएँ: भ्रमण, खोज

गुल पीलो थी वियो, तोखे हर हर ॾिसी-ॾिसी।
मुखिड़ीअ क़बूली हार, तो आॾो झुकी-झुकी॥

मुंहिंजे सिधे सुवाल जो, टेड़ो न ॾे जवाबु।
मूंखें मुंझाए मारि न तूं, इअं खिली-खिली॥

मूं खां नज़र बचाए उघिया हा तो पंहिंजा लुड़िक।
मूं भी रुनो हो कुंड में तो खां लिकी-लिकी॥

तो भी लिओ न पातो लंघे मंुहिंजे घर वटां।
फाड़े छॾियूं चिठियूं मूं भी, तो खे लिखी-लिखी॥

चेहरे ते दुख जी धूड़ि जो, पाछो न ॾे पवणु।
सीने में दिल भली थी वञे रख, जली-जली॥

चेड़ाए थो हू कंहिं खे, खु़शीअ खे या दर्द खे?
आखि़र हू आदमी छो थो रोए खिली-खिली॥

हिक घर मां भी उथियो न हो आवाजु़ कत्ल ते।
भुणि भुणि करे थी शहर जी, हाणे घिटी-घिटी॥

हिन ॿाहरिएं जहान ख़ां आखि़र टुटी पियुसि।
अंदर जे आदमीअ जे चए ते लॻी-लॻी॥