गुल बि दिगां थियण लॻा आहिन / लक्ष्मण पुरूस्वानी
कटजे नथो काटण सा, जिन्दगीअ जो हीउ सफर
अल्हाए जे कदंहि फुरिजी वञनि, असांखा असांजा पर
हर हंधि दोखो, ऐं कूड कपट जी
वॼन्दी रहन्दी आहे बीन
बेरहम, शेतान, वहिशी
खणी हथन में संगीन
नफरत संदो दिसण अचे थो, इन्सानियत जो घर
मिट-माहिट, दोस्त ऐं भाई
रिश्तन जी हर दोर पराई
मन माणुहुनि जा थी विया एहिड़ा
जिअं निर्मल जल में काई
थियण लॻो आ गुलनि ते बि कन्डनि जो असर!!
कटजे नथो काटण सां...
गुल बि दिगां थियण लॻा आहिन
कन्डा रस्तनि ते उभिरण लॻा आहिन
देश जे खातिर मरण-मिटण वारा
सिपाही बि गुम थियण लॻा आहिन
वीर शहीदनि जे दिठा सुपना, लॻी आ उन्हनि खे नजर!!
कटजे नथो काटण सां, जिन्दगीअ जो हीउ सफर
पहिंजी-पहिंजी ढपली आ
हर कहिंजो पहिंजो-पहिंजो राॻ
पासा खणी चौसर जा, घुमनि था अॼु
शकुनि जहिड़ा घाघ, पहिंजे ई खून जा प्यासा
आहिन पहिजां ई अधर!!
कटजे नथो काटण सां, जिन्दगीअ जो हीउ सफर
