भारत की संस्कृति के लिए... भाषा की उन्नति के लिए... साहित्य के प्रसार के लिए
गैणौ / दीनदयाल शर्मा
Kavita Kosh से
पैली मा
भौत पैरती गैणौ
जड़ाऊआळौ बोरलौ
सिर माथै सीसफूल
मोटी-मोटी झूमक्यां
गळै में गळसरी
बडी सारी तागड़ी
अर पगां में
हुंवती पाजेबां
बडा-बडा घुघरियांळी
लूंग, गंूठी,चुटकी
अर चूड़्यां री
नीं हुंवती कोई गिणती
अबै
लुगायां
कठै पैरै गैणौ
स्यात
बैंकां रै
लोकरां में
पड़्यौ है उदास सो
अर
अडीकै
किणी गोरड़ी नै
सजाण सारू।
