भारत की संस्कृति के लिए... भाषा की उन्नति के लिए... साहित्य के प्रसार के लिए
गोर-गोर, साँवर-साँवर / सतीश मिश्रा
Kavita Kosh से
बाँध के मुरेठा आउ चुनरी सम्हार गोर-गोर, साँवर-साँवर
चलतइ किसनिआँ किसान गोर-गोर, साँवर-साँवर।
हर, बैल, पालो, बीहन लेके पनपिअरवा गोर-गोर, साँवर-साँवर
खेतवा के जोते, छींटे धान गोर-गोर, साँवर-साँवर।
बदरा में बदरी के छितरल टुकड़िया गोर-गोर, साँवर-साँवर
देख-देख हुलसइ परान गोर-गोर, साँवर-साँवर।
एकरे से धोती किनतइ, चुनरी, बुसटवा गोर-गोर, साँवर-साँवर
करतइ चूड़वो नेवान गोर-गोर, साँवर-साँवर।
बधिआ से सेजिआ ले गम गम गमकतइ गोर-गोर, साँवर-साँवर
देस के परौतइ अरमान गोर-गोर, साँवर-साँवर।
