भारत की संस्कृति के लिए... भाषा की उन्नति के लिए... साहित्य के प्रसार के लिए
घर में दादीसा री ओळयूं / नरेन्द्र व्यास
Kavita Kosh से
दादीसा नीं है
घर में पण आज भी
भंवै दादीसा री ओळयूं।
याद घणेरी आवै
म्हारै घर री बाखळ
फळसै रै दरूजै
भोगळ-कूंटा अर बिलाई
साळ सारलै ओरै री
जुगां जूनी थळकण।
काचो अणलीप्यो आंगणों
जोवै कैखळ नै
सोधै म्हारी दादीसा री
नरम हथाळी नै
सफो गुम्भारो
हाल उड़ीकै
उण रै हाथ थमी
उण सागण बुहारी नै।
