भारत की संस्कृति के लिए... भाषा की उन्नति के लिए... साहित्य के प्रसार के लिए
घेरी-घेरी आबै मदमस्त बदरिया राम / भुवनेश्वर सिंह भुवन
Kavita Kosh से
घेरी-घेरी आबै मदमस्त बदरिया राम!
पुलकित नीलम, बिहँसै बदरिया,
जैसनॅ घूँघट ओट बहुरिया,
सिहरि-सिहरि काँपै नम-आँचल
पवन परस-रस छलकै गगरिया राम!
रस-सिंचित धरती हरियाबै,
बीज-बीज अंकुर अकुलाबै,
बन्द आँख, डोलै नव-कलिका,
रूप गंध मधु बरसै डगरिया राम!
दूध घोलॅ छिटकै चाँदनियाँ,
सगर रात रोपै रोपनियाँ,
गाबै गीत, रात शरमाबै,
घर नहिं आबै बलम परदेशिया राम!
