भारत की संस्कृति के लिए... भाषा की उन्नति के लिए... साहित्य के प्रसार के लिए

चर-भर / मधु आचार्य 'आशावादी'

Kavita Kosh से
यहाँ जाएँ: भ्रमण, खोज

कुरसी री चर-भर रमै
नेताजी रोज
नूंवी-नूंवी चालां जोवै
लेय आवै खोज
उण री मां माथै करिया सवाल
तो उण सूं करायो
धरम रै नांव माथै बवाल।
इण खेल रा हा
बै पक्का खिलाड़ी
पण दिखावै मांय
बण्या रैवता अनाड़ी।
इणी खातर आज तांई
बां री कुरसी ही सलामत
चर-भर सूं बै करता
फगत
लोगां री ई हजामत।