चलत-चलत मोरा पईया पिरइले / महेन्द्र मिश्र

चलत-चलत मोरा पईया पिरइले, ए ननदिया मोरी रे
तबहूं ना मिलेला उदेश, ए ननदिया मोरी रे।
अपने न अइलें पिया भेजलें ना सनेसवा, ए ननदिया मोरी रे।
भेज देले डोलिया कहार, ए ननदिया मोरी रे।
संग के सखी सब छोड़के परइलीख्ए ननदिया मोरी रे।
जात अकेले डरवा होय ए ननदिया मोरी रे।
टोला परोसा मिली डोलिया चढ़वले ए ननदिया मोरी रे।
डाल देले सवुजी ओहार ए ननदिया मोरी रे।
छूटल जाला बाबा के दुआर, ए ननदिया मोरी रे।