भारत की संस्कृति के लिए... भाषा की उन्नति के लिए... साहित्य के प्रसार के लिए
चलीं सभे, अनपढ़ हो जाईं / कुमार मुकुल
Kavita Kosh से
चलीं सभे, अनपढ़ हो जाईं
गोडसेउआ के बाबा बोलीं
मजलूमन प धावा बोलीं
जाती-धरम के रट्टा मारीं
गाँधी के बिसराईं
चलीं सभे, अनपढ़ हो जाईं
नेह-परेम के फंदा दे दीं
पर्टिअन के कुछो चंदा दे दीं
देशभगति के बीन बाजत बा
चली के कमर हिलाईं
चलीं सभे, अनपढ़ हो जाईं
आजू-बाजू गुर्गा पालीं
दिखे सुफेदी कीच उछालीं
बांट-बखेरा हर दर पालीं
ज्ञानी बन उलझाईं
चलीं सभे, अनपढ़ हो जाईं
