भारत की संस्कृति के लिए... भाषा की उन्नति के लिए... साहित्य के प्रसार के लिए
चवण जो ॾांउ त आहे लेकिन! / अर्जुन हासिद
Kavita Kosh से
चवण जो ॾांउ त आहे लेकिन!
चवण लइ कुझ बि त नाहे लेकिन!
इएं त केॾो न मिठिड़ो लहजो,
ॾिसु आबरू बि थो लाहे लेकिन!
करियूं था रोज़ नईं सूर्हियाई,
चढूं था पंहिंजे ई फाहे लेकिन!
निफ़िक़, वेर खे निंदे हरको,
अलाए केरु थो चाहे लेकिन!
चऊं था देस सॼो हिकु आहे,
घिटीअ-घिटीअ में ही छाहे लेकिन!
रुॻियूं ही रम्जूं, रुॻियूं चालाकियूं,
छॾिनि थियूं कौम खे डाहे लेकिन!
उॾे उभामे थो हासिद केॾो,
अञा त ढोर थो काहे लेकिन!
