भारत की संस्कृति के लिए... भाषा की उन्नति के लिए... साहित्य के प्रसार के लिए
चुपचाप ज़िंदगीअ जूं के गुज़रनि घड़ियूं ॿ-टे! / अर्जुन हासिद
Kavita Kosh से
चुपचाप ज़िंदगीअ जूं के गुज़रनि घड़ियूं ॿ-टे!
वेठो अकेलो आहियां, मगर ॿियो को हिते!
आवाज़ भटकी भटकी रुलण ते हिरी वियो,
तोखे अखियुनि जी छांव में ॻोल्हियां किथे किथे!
ॻौरी लॻे थी केॾी जिअण जी घड़ी घड़ी,
कंहिं हिक नफ़ीस गुल जी किथे ताज़गी हुजे!
कौड़ो हुजे स्वाद थो मुंहिंजीअ ज़बान जो,
ॾेई सघां हा गारि त आथत हा को मिले!
केॾो रुबाब चोर जो, ठॻ जो, कमाल आ,
हरको सफेदपोश थो किअं, किअं लुॾे लमे!
तकड़ो लहे थो रंग ज़मीन आसमान जो,
वहिंवार जो मिज़ाज फिको थो नज़र अचे!
माण्हू वॾे थियण जी तमन्ना रखीं त रखु,
हासिद झुकी सलाम जे तोखां करणु पुॼे!
