भारत की संस्कृति के लिए... भाषा की उन्नति के लिए... साहित्य के प्रसार के लिए
चोर फूल / देवान किराती
Kavita Kosh से
फूलको बस्तीभित्र
मन हराएपछि
मन चोरिएपछि
आजकल मुटु दुख्न छाडेको छ ।
फूलका नरम धारहरूले
आजकल पनि बारम्बार
मुटु नचिरिरहेको त कहाँ छ र ?
तर मन नै चोरिएपछि
फूलको बस्तीभित्र
मुटु दुख्न छाडेको छ ।
उसले मलाई
एकचित्त नसोधेकी त हैन
“मन चोरिएपछि तिम्रो
के तिमी सपना देख्तैनौ
चोर फूलको ?”
मैले आँखामात्रै फर्काउँदा
ऊ आफैँ तर्किएकी थिई ।
साँच्चि नै मुटु दुख्नु त
पहिला मन पो दुख्नुपर्दो रहेछ ।
आजकल
म खोजिरहेको छु
फूलको बस्तीभित्र
हराएको मन
र चोर फूल ।
