भारत की संस्कृति के लिए... भाषा की उन्नति के लिए... साहित्य के प्रसार के लिए
छालाको झोला / मल्लिका घान्ती / सुमन पोखरेल
Kavita Kosh से
कुनै साधारण झोला हैन
यो छालाको झोला।
त्यो मान्छे जसले
त्रिलोकभरि राज्य गरेथ्यो
त्यसैमा बसेको थियो नौ महिनासम्म
एक कञ्चो भाडा नतिरी ।
ती सन्त जसले
यस झोलालाई अपवित्र ठानेँ
त्यहीँ गुँडुल्किएका थिए
एक कञ्चो भाडा नतिरी
नौ महिनासम्म ।
पुरुष ईश्वरहरूले त्यही छालाको झोलाभित्र
बनाएका थिए आफ्नो काया
तर राम र रहीम दुबैले
बिर्सिएका छन् यसलाई
संसारको सेवा गर्ने धूनमा ।
अमूल्य छ विश्वबजारमा
त्यस छालाको झोलाको मोल
कसैले कहिल्यै पनि आँक्न सक्दैन
त्यस झोलाको मूल्य ।
तर अचेल भाडा तिरिन थालेको छ घमन्डसाथ।
प्राइस ट्याग लगाएर नारीको गर्भको झोलामा
आमाबाट सरोगेट मदर बनाएर आमालाई
अपमान र ठट्टा गरिरहेछौ तिमी
गरीब र गरीबीको ।
