भारत की संस्कृति के लिए... भाषा की उन्नति के लिए... साहित्य के प्रसार के लिए
छाहे अखलाकु न दुहराइ, मूं खे नश्शो आ / एम. कमल
Kavita Kosh से
छाहे अखलाकु न दुहराइ, मूं खे नश्शो आ।
अॼु वञी ॿिए खे समुझाइ, मूं खे नश्शो आ॥
जो चयुमु दिल, जो मञियुमु ऐं जा वणी ॻाल्हि कयमि।
तूं न पुञ-पाप में उल्झाइ, मूं खे नशो आ।
चोट ते चोट करे मूं ते खिलनि था सभु ई।
दोस्त अचु अॼु तूं भी ईजाइ, मूंखे नशो आ॥
कंहिं ॾुखियल रॻ ते बिना ख़ौफ जे रखु आङुरि अॼु।
लूणु फट ते भली ॿुरिकाइ, मूं खे नशो आ॥
के त इल्ज़ाम हणी चूरि करे वञु दिल खे।
आउ, पत्थरु तूं भी उछिलाइ, मूं खे नशो आ॥
कंहिं कई कंहिं सां दगा, वातु न मुंहिंजो खोलाइ।
ॾिसु, मूं खां पाणु न रहंडाइ, मूं खे नशो आ॥
