छा थियो अगरचि आहे नज़रुमि खां दूरि मंज़िल
तूफ़ान जे अचण सां खुद बर्क़ थींदी शामिल।
मां समुंड में कुननि जे विचमें कुॾणु थे चाहियो
कमबख़्त छो अलाए मूं खे पुकारियो साहिल।
आ दर्दु दिल जो नग़मो ऐं मइ जो दौरु जारी
महफ़िल जे जे़ब धारां मइफ़िल बणी न महफ़िल।
अरमान ज़िन्दगीअ जा थींदा कॾहिं न पूरा
शिकवो हुजे मगर कुझु थीउ ज़िन्दगीअ जे क़ाबिल।
हिकिड़ो वतन खां बिछिड़ियलु ऐं ॿियो ज़मीन खां वांझियलु
इतिहास खां थियो आ सरमायो हीउ हासिल।
नाले में ‘शाद’ लेकिन आहियां त ग़मज़दा मां
जो ग़म ॾिसणु थो चाहे, मुंहिंजी अची ॾिसे दिल।