छितिज केॅ निहारोॅ / रूप रूप प्रतिरूप / सुमन सूरो

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सुमन सूरो » रूप रूप प्रतिरूप »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

खुललोॅ झड़ोखा सें छितिज केॅ निहारोॅ!
बान्हलोॅ यै मुट्ठी केॅ छाती पर मत बान्होॅ,
दोसरा केॅ अंक भरोॅ, बाँह तेॅ पसारोॅ?

कमरा के गुमसुमपन, ऐङना के घेरा;
अदमरूवोॅ आँखी में चिन्ता के डेरा
जिनगी के साथी छै भूख-प्यास-लाचारी;
कुछ देरी यै सब केॅ दोसरा लेॅ बारोॅ!

फूलोॅ के बगिया में कुहरा जे छैलोॅ छै,
सूर्जोॅ के किरणोॅ सें ऊ सब घबरैलोॅ छै।
हँसनी छितरैतै सब फूल-कली-डारी पर
किरणोॅ के ध्यान धरोॅ, धुंध केॅ बिसारोॅ!

खुललोॅ झड़ोखा सें छितिज केॅ निहारोॅ!