भारत की संस्कृति के लिए... भाषा की उन्नति के लिए... साहित्य के प्रसार के लिए
छोटोॅ बुतरू / अनिरुद्ध प्रसाद विमल
Kavita Kosh से
छोटोॅ बच्चा सभ्भेॅ केॅ लगै छै प्यारोॅ
कोय भी जीवोॅ के होय छै बड़ा दुलारोॅ
ओकरोॅ तोतरैवोॅ बोली कŸोॅ सुखकर होय छै
केकरोॅ बुतरू हुअेॅ बहुतेॅ मजगर होय छै
छोटोॅ बच्चा हाथी के, ठुमकी-ठुमकी चलवोॅ
मन मोहै छै जंगल में माय के साथ थिरकवोॅ
बाल कृष्ण के मनहर रूपें केकरा नै मोहै छै
ओकरोॅ नचवोॅ मक्खन खैवोॅ केकरा नै सोहै छै
केकरोॅ भी बच्चा हुअेॅ सबकेॅ लागै छै अच्छा
प्रकृति के सबसे बड़ोॅ उपहार छेकै ई बच्चा।
