Last modified on 20 अगस्त 2017, at 22:01

जनम भूई के माटी / प्रमोद सोनवानी 'पुष्प'

मोर जनम भूई के माटी ला,
सरधा के दो फूल अरपन हे।
एखर सेवा रक्षा बर,
मोर जीव घलो समरपन हे।

जनम भूई हावे महतारी,
जनम भूई पहिचान रे।
जनम भूई के करबो पूजा,
जनम भूई महान रे।

जतन करो एखर गा भईया।
मोर माँथ पसीना तरपन हे।

ऐ माँटी म जनम लेवईया,
कतका भरे परे हें जी।
अउ एक नवां इतिहास रचईया,
मईनखे कहे गीस हे जी।

ऐ माँटी म गुरु के मूरत।
दाई -ददा के दरसन हे।