हरियाणवी लोकगीत ♦ रचनाकार: अज्ञात
जब तौं घर तैं लीकड़या गभरू सेर जुआन
हो गया सौण कसौण गभरू सेर जुआन
हाय हाय गभरू सेर जुआन
बाम्मै बोल्ली कोतरी दहणै बोल्या काग
गभरू सेर जुआन हाय हाय गभरू सेर जुआन
मारी क्यों ना कोतरी तैने मार्या क्यों ना काग
हाय हाय गभरू सेर जुआन
कनअ तेरी बांधी पालकी कनअ तेरा कर्या सिंगार
हाय हाय गभरू सेर जुआन
भाइयां बांधी पालकी भाइयां ने कर्या सिंगार
हाय हाय गभरू सेर जुआन
सुसरा का प्यारा हाय सासड़ का प्यारा हाय हाय
हाय हाय गभरू सेर जुआन