भारत की संस्कृति के लिए... भाषा की उन्नति के लिए... साहित्य के प्रसार के लिए

जसुदा के अजिर बिराजें मनमोहन जू / आलम

Kavita Kosh से
यहाँ जाएँ: भ्रमण, खोज

जसुदा के अजिर बिराजें मनमोहन जू,
               अँग रज लागै छबि छाजै सुरपाल की ।
छोटे-छोटे आछे पग घुँघरू घूमत घने,
               जासों चित हित लागै सोभा बालजाल की ।
आछी बतियाँ सुनाबै छिनु छाँड़िबौ न भावै,
               छाती सों छपावै लागै छोह वा दयाल की ।
हेरि ब्रज नारि हारी वारि फेरि डारी सब,
               आलम बलैया लीजै ऐसे नन्दलाल की ।