भारत की संस्कृति के लिए... भाषा की उन्नति के लिए... साहित्य के प्रसार के लिए
जहें नेह लागल दरदिए मिलल बा / रामरक्षा मिश्र विमल
Kavita Kosh से
जहें नेह लागल दरदिए मिलल बा
कबो फूल कहवाँ अङनवा खिलल बा
कबो लहलहाइल ना बिरवा सपन के
नयनवा से कतनो जो पानी ढरल बा
पियावल जे अँजुरी में भरि-भरि के अमिरित
अँजुरिया उहे अब जहर से भरल बा
हटावत मिटावत इ थाकल उमिरिया
अन्हरिया करिखहा इ जमकल-जमल बा
लिखाइल कहाँ एक पाती,विमल’ के
कि उनका प केकर दु जादू चलल बा
