भारत की संस्कृति के लिए... भाषा की उन्नति के लिए... साहित्य के प्रसार के लिए
जातरी है ओ सहर / मदन गोपाल लढ़ा
Kavita Kosh से
इण सहर री नींद घट है
मंझ रात नैं
कदी बतळा लेवो
झट बोल जासी
जाणै हणै ई सूत्यो हो।
नींद घट रो मतळब ओ कोनी
कै सपनां ई कोनी
जागती आंख्यां सूं देखै-
ऊजळै भविस रा सतरंगी सपनां
जिलो बणणै रा
आगै बधणै रा
अेज्युकेशन हब बणणै सारू तो
ओ चाल ई पड़्यो है।
अेक जातरी है ओ सहर
चालणो है जुगां-जुगां।
