भारत की संस्कृति के लिए... भाषा की उन्नति के लिए... साहित्य के प्रसार के लिए
जीवण खातर अबै नुंवी रास लै तूं / सांवर दइया
Kavita Kosh से
जीवण खातर अबै नुंवी रास लै तूं
नित आगै बध, जठै मिलै उजास लै तूं
सांमै सीयाळो अर कनै कोनी गाभा
छाती में गोडा घाल गरमास लै तूं
आ ना सोच कै थारी’ज आंख्यां आली
आखो जग आंसुवां रो इतिहास लै तूं
दो-च्यार होठां माथै मुळक तो कांई
अलेखूं उणियारा अठै उदास लै तूं
ऐ स्सै सांसां टुर जासी थारै लारै
पैली इण माटी रो विश्वास लै तूं
