भारत की संस्कृति के लिए... भाषा की उन्नति के लिए... साहित्य के प्रसार के लिए

जीवन जी धड़कन / अर्जुन ‘शाद’

Kavita Kosh से
यहाँ जाएँ: भ्रमण, खोज

तूं जे मूं साण गॾु पिरीं! आहीं
मूं सां जीवन जी आहि गॾु धड़कन
मुंहिंजी उम्मीद आरजू तो बिन
के सुकल पत्ता
मुरिझायल पन
तूं जे मूं साण गॾु पिरीं! आहीं
मां बहारुनि जी ख़ुद बहार आहियां!

रोज़ प्रभात खे ॾिसां थो मां
जहिड़ी कल्ह हुई
उहा अॼु भी आहे
तुहिंजी बस याद ज़हन में उभिरे
साॻी प्रभात ईअं लॻे थी ॼणु
मूं हयातीअ में आ ॾिठी पहिरीं!

कंहिं जी ॾोरीअ में मां ॿधल नाहियां
राह पंहिंजी बि पर तॾहिं भी मां
कीन वेही थो सोच सां ठाहियां
मां त बस पाण कर्मु ई आहियां
हल्की हल्की चमन जी हीर जियां
आउं आनन्द जो ई रूप आहियां!

मूं सां को मौत जी न ॻाल्हि करे
मूं सां को रात जी न ॻाल्हि करे
मूं पिरीं तोसां नींहुं आ लातो
छो त तूं रोशनी आहीं
छो त तूं खामोशी नाहीं
छो त तूं राॻिणी आहीं

छो त उन राॻिणीअ जे जादूअ में
मस्त मदहोश थी वञा थो मां

मूंखे पंहिंजी न काई ॼाण खपे
तुहिंजी हिक तुहिंजी मूंखे याद हुजे
तूं जो मूं साणु गॾु पिरीं आहीं
मूं सां जीवन जी आहि गॾु धड़कन!