भारत की संस्कृति के लिए... भाषा की उन्नति के लिए... साहित्य के प्रसार के लिए
जे हुजेई नाणो / हेमराज नागवाणी
Kavita Kosh से
को वक़्तु हुओ जो
शाम जो कनाटप्लेस में
दोस्तनि सां गडु
काके सीतलदास जे
कराची रेस्टारेंट में
टके जो बिकूट
आने जी चांहिं
ऐं आने जा ॿ सिगरेट
नोश फ़रमाए, हू
पंहिंजे घर पंघि वेन्दो हो-
उन्हनि ई अढाई आननि सां हून्द
बस में वञी सघे हा-
खीसे में पियल सिका
वर वर ॻणण जी आदत
बाबूअ खे तॾहांकुर आहे।
ज़मानो बदिलजी चुको आहे-
काको सीतलदासु बि गुज़ारे वियो आह-
हाणे, बाबू हर रोजु़ बस में घरि वेन्दो आहे
मगर,
खीसे में पियल सिका
वर वर ॻणण जी आदत
बदस्तूर क़ाइमु अथसि;
कंहिंजे पुछण ते
निहायत निर्लॼाईअ सां चवन्दो आहे:
पंहिंजो पाण खे पक ॾेई रहियो आहियां
त शाम जो
बस में चढ़ी घर वञण लाइ पैसा अथमि।
