जोम भरल दिन आइल रे / रामवृक्ष राय 'विधुर'

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

रामवृक्ष राय 'विधुर' »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

जोम भरल दिन आइल रे !
जेने देखीं आँख फेरि के, लउके हरियर धान।
दे-दे ताव मोंछि पर गावे, बिरहा चतुर किसान।
चवा-चवा भुइयाँ में ई, कइसन उन्माद समाइल रे !
जोम भरल दिन आइल रे !
बैला बइठल पगुरी माँठे, गइआ करे चराउर
खेत-खेत में कइले बाटे पनिया खूब हिराउर
बछड़ा घुमड़े द्वार-द्वार पर लउके सभे अघाइल रे !
जोम भरल दिन आइल रे !
कइसे बीती दिनवाँ तिरिया कोठिला खोलि दिखावे।
गइल माघ दिन उनतिस बाकी, कहि किसान समझावे।
कुछ लागलि मुँहबालि दनाइलि कुछ लउके पिअराइल रे।
जोम भरल दिन आइल रे !