भारत की संस्कृति के लिए... भाषा की उन्नति के लिए... साहित्य के प्रसार के लिए
ज्ञान केरोॅ उन्मेष कहाँ छै / कैलाश झा ‘किंकर’
Kavita Kosh से
ज्ञान केरोॅ उन्मेष कहाँ छै।
हमरोॅ जैसन देश कहाँ छै।।
सत्य, अहिंसा और अपरिग्रह,
भारत सन सन्देश कहाँ छै।
हिन्दू, मुस्लिम, सिक्ख, ईसाई
केकरो कोनो क्लेश कहाँ छै।
बुद्ध, महावीर, नानक, बापू-
राम यहाँ, लंकेश कहाँ छै।
कोनो देश केॅ सतबै वाला,
भारत के उपदेश कहाँ छै।।
प्रेम, दया, तप, त्याग, मनोबल
हमरोॅ दिल मेॅ द्वेष कहाँ छै।।
