भारत की संस्कृति के लिए... भाषा की उन्नति के लिए... साहित्य के प्रसार के लिए
झांकी / मथुरा नाथ सिंह 'रानीपुरी'
Kavita Kosh से
चिड़िया गुमसुम, बगुला अन्हरऽ
मछली बिल्लबिलैलऽ छै
काँटऽ-कुसऽ मन मुस्कावै
सगठें जाल बिछैलऽ छै।
केकरऽ यहाँ के की सुनतै
अपन्हैं में ओझरैलऽ छै
सगठें देखऽ खींचा-तानी
मनें-मन टकरैलऽ छै।
जन्नें-तन्नें चील झपट्टा
सबके नजरी समैलऽ छै
हड्डी-हड्डी पर उछलै छै
मांसे-मांस बिलैलऽ छै।
केकरऽ दाना के रे चुंगतै
सबके सब भुलैलऽ छै
मुण्डा-मुण्डा के झगड़ा में
‘मथुरा’ रोग बनैलऽ छै।
