हरियाणवी लोकगीत ♦ रचनाकार: अज्ञात
झिल मिल साफा बांध दिखे री दिल्ली में भरती हो लिया
छुट्टी आया री भरतार दिखे री मेरा ठंडा कालजा हो गया
झट पट मांडे पौए दिखे री आलू का साग बणा लिया
पूरी मांगी ना साग दिखे री मनै घाल्या उतणा खा लिया
निकल्या बिचली गाल दिखे री भावज के घर नै जा रह्या
खोलो भाभी अजड़ किवाड़ी दिखे री भाभी सांकल खोलो लोहै सार की
खुलगे अजड़ किवाड़ दिखे हो देवर सांकल खुलगी लोहै सार की
आओ देवर मूढै पै बैठ दिखे तैं तो घणे दिन्यां मैं बाह्वड़ा
हम नौकर सरकार दिखे री भाभी छुट्टी मिली जद आ लिया।