भारत की संस्कृति के लिए... भाषा की उन्नति के लिए... साहित्य के प्रसार के लिए
झूठऽ के बारात छै अखनी / खुशीलाल मंजर
Kavita Kosh से
दुनियां एक दाव छे कै
जिनगी एक नाव छेकै
तबेॅ नीं कहैं छिहौं
एक नम्मर रऽ ठठ्ठर गाड़ी
दू नम्मर रऽ चमचम कार
ऊँच्चऽ नीच्चऽ कुच्छ नै बुझतौं
सुक्खा पानी सभ्भे पार
चक चक धोती फर-फर कुर्त्ता
बात गुलाबी खाड़े खाड़े
हम्मू सहै छी हुनकऽ जुत्ता
दुख भीझैं छै हाड़े हाड़
कुच्छ जों बिरोध करऽ तेॅ
हुनकऽ महिमा अपरमपार
एक नम्मर रऽ ठठ्ठर गाड़ी
मत पूछऽ कि हुनकऽ अखमी
खाली घुरची खाली फेर
जन्न जैतौ जन्नेॅ जखनी
सब चीजऽ रऽ ढेरे-ढेर
हुनकऽ अकासें हऽर बहै छै
हमरऽ जिनगी धक्कामार
एक नम्मर रऽ ठठ्ठर गाड़ी
सगरे छौं हुनके जीमीदारी
घरऽ सें बहारें सोर
पहले कुरसी हुनकैं मिलतौं
दुख भीझै छऽ पोरे-पोर
झूठऽ के बरात छै अखनी
कनियाय दुल्हा गल्लाहार
एक नम्मर रऽ ठठ्ठर गाड़ी
