झूलण आली बोल बता के बोलण का टोटा / हरियाणवी

हरियाणवी लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

झूलण आली बोल बता के बोलण का टोटा
झूलण खातर घल्या करैं सैं पींघ सामण में
मीठी बोली तेरी सै जणो कोयल जामण में
तेरे दामण में लिसकार उठै चमक रिहा घोटा
झूलण आली बोल बता के बोलण का टोटा
लरज लरज कै जावै से योह् जामण की डाली
पड़ के नाड़ तुड़ा लै तैं रोवै तन्ने जामण आली
तेरे ढुंगे पै लटकै काला नाग सा मोटा
झूलण आली बोल बता के बोलण का टोटा
मोटी मोटी अंखियां के मांह डोरा स्याही का
के के गुण मैं कहूं तेरी इस नरम कलाई का
चंदरमा सा मुखड़ा तेरा जणों नूर का लोटा
झूलण आली बोल बता के बोलण का टोटा