ठुमकत चाल चले दिल जनिया / मोती बी.ए.

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

मोती बी.ए. »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

ठुमकत चाल चले दिल जनिया
लचकत जाए कमरिया ना
बोलिया सुनि के तोरे छएलवा
जरि जरि जाए जियरवा ना।

ददरी के मेला तोहके असों लेके जाइबि हो
किसिम किसिम के लँहगा-सारी तोहें पिन्हाइबि हो
हो गोरिया, चढ़लि जवनिया तोर
कि जइसे घेरे बदरिया ना।
ठुमकत चाल चले...

बलमा बड़ा नादान दरदिया ना पहिचाने रे
मउज मजा के आगे कुछऊ दूसर न जाने रे
इनके ठुमका लउके ला हमके तनिको सूझे डगरिया ना।
ठुमकत चाल चले...

तोहरी खातिर जनिया जल्दी डोलिया आई हो
साइति देखले दिन धइले से ना फरिआई हो
हो जनिया गड़ल करेजवा भीतर तोरी भोली सुरतिया ना
बोलिया सुनि के तोर छएलवा नाचे मनवा के मोरवा ना।
ठुमकत चाल चले...