डारि द्रुम-पालन बिछौना नव-पल्लव के / देव

हिन्दी शब्दों के अर्थ उपलब्ध हैं। शब्द पर डबल क्लिक करें। अन्य शब्दों पर कार्य जारी है।

डारि द्रुम-पालन बिछौना नव-पल्लव के
सुमन झिगूला सोहै तन छवि भारि दै
पवन झुलावै केकी-कीर बहरावे देव
कोयल हलावे-हुलसावे कर तारि दै
पूरित पराग सौं उतारौं करै राई-नोन
कंजकली नायिका लतानि सिर-सारि दै
मदन-महीपजू को बालक बसंत ताहि
प्रातहि जगावत गुलाब चटकारि दै