तहरा से दया के भीख माँगे / रवीन्द्रनाथ ठाकुर / सिपाही सिंह ‘श्रीमंत’

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

रवीन्द्रनाथ ठाकुर » सिपाही सिंह 'श्रीमंत'‎» गीतांजली / रवीन्द्रनाथ ठाकुर »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

तहरा से दया के भीख माँगे
हमरा आवे भा मत आवे
तूं खुदे हमरा पर दया करके
अपना चरनन में खींच ‘ल’।
हम कबो कुछ खिलौना बना लीले
त तहरा के साफे भुला दीले
ओकरे फल फूल से निहाल होके
लागिले आराम से सुख के उपासना करे।
हमरा पर रंज होके हे प्रभु,
हमरे बनावल माटी के खेलाघर में
हमरा के छोड़ मत दीहऽ
दया क के, वज्र से मार-मर के,
हमरा के प्रेरित क के जगा दीहऽ
दुविधा का घेरा में सत्य कैद बा;
ओकरा के मुक्त क के उजागर करे वाला
तहरा के छोड़ के दोसर के बा?
मृत्यु के छेद द, अमृत झरे लागो।
हमरा दीनता के अगाध शून्य भर जाय।
पतन का व्यथा में चेतना बोल उठे।
विरोध आ कोलाहल में
तहार गंभीर वाणी गूँज उठो।