भारत की संस्कृति के लिए... भाषा की उन्नति के लिए... साहित्य के प्रसार के लिए
तारा मात्र हैन तिमीलाई / किरण खरेल
Kavita Kosh से
तारा मात्र हैन तिमीलाई जूनै दाइजो दिइदिउँला
माग तिमी तिमीलाई मेरो जिन्दगी नै दिइदिउँला
तिमीलाई मेरो झिलिमिली आकास नै ओढाउँला
त्यो पाउमा रङ्गीचङ्गी बसन्त चढाउँला
तिमीले पाउ टेक्ने ठाउँमा शीतका थोपा छरिदिउँला
तिमीले सास फेर्ने ठाउँमा सुवासले भरिदिउँला
तिमीलाई मेरो मुटुको यो ढुकढुकीले जगाउँला
ती नसामा जोवनको मधुधारा बगाउँला
सुकुमारी तिम्रा ओठमा ती ओठमा सँगालुँला
तिमीलाई मेरै न्यानो न्यानो अँगालोमा म अँगालुँला
