भारत की संस्कृति के लिए... भाषा की उन्नति के लिए... साहित्य के प्रसार के लिए
तितली / त्रिलोकीनाथ दिवाकर
Kavita Kosh से
लाल पिरो रंगो में सजी के तितली, किन्नंे गेलै निकली
कैहिनों-कहिनों रंगो केे लगैने टिकली
किन्नें गेलै निकली
नान्हांे-नान्हों आँख सुन्नर, प्रेमो से भरलो
देही सें पंख बड़ो धारी सें सजलोॅ
सुरूजो के लाली संगे, मटकैनै पुतली .किन्नें गेलै
चुलबुल-चुलबुल बाड़ी-झाड़ी, फूलो पर बैठली लागै प्यारी
परागो के चुमीं क‘ उड़ै छै मातली .
किन्नें गेलै निकली ।
बड़ी शर्मिली नैं कोय बोली, आपन्है धुनों में नैं कोय टोली
पूरबा के संग-संग, उड़ै छै मचली
किन्नें गेलै निकली
देखी के तोरा पागल-पागल, भेलै ‘त्रिलोकी’ घायल-घायल
दिलो के दर्दो के, बुझै नै पगली
किन्नें गेलै निकली ।
