भारत की संस्कृति के लिए... भाषा की उन्नति के लिए... साहित्य के प्रसार के लिए
तिमी भन्छौ माया अमर छ / श्रवण मुकारुङ
Kavita Kosh से
तिमी भन्छौ माया अमर छ
यो त सधैँ रहिरहन्छ
म त भन्छु– माया स्प्न हो
प्रहर–प्रहर बद्लिरहन्छ
किन छुट्छ आफ्नै मुटु
साँक्षी राखी ला’को माया
किन टुट्छ– बाचा बन्धन
आगो छोई खा’को कसम
तिमी भन्छौ माया आधार हो
यसमै संसार अडिरहन्छ
म त भन्छु– माया स्वप्न हो
प्रहर–प्रहर बद्लिरहन्छ
समयको साथ मात्रै
जीवन बाँच्छ सपनाले
वसन्त त्यो कमजोरी हो
पूmल हाँस्छ आफ्नै रङले
तिमी भन्छौ माया ईश्वर हो
यो त सबलाई पुज्य हुन्छ
म त भन्छु– माया स्वप्न हो
प्रहर–प्रहर बद्लिरहन्छ ।
