भारत की संस्कृति के लिए... भाषा की उन्नति के लिए... साहित्य के प्रसार के लिए
तिमी हुनुको (अंश - २) / इन्दिरा प्रसाई
Kavita Kosh से
काकतालीका फूलहरू
टिपेर पनि के गर्नु
जताततै बेहोस
परागका सुगन्धहरू
म खोज्दै छु
आफैँले आफू हुनुको यथार्थलाई ।
तिमीलाई विश्वास गर्दा
झूटको घुम्टो ओढायौ
प्रेमको जलपभित्र
भुमरीको जन्ती भएर आयौ ।
अब शकुनिको कुटिलताले
विषवमन गरिसक्यो
हिजोआज आफैँ आफूसित
कसाई भएकी छु ।
