भारत की संस्कृति के लिए... भाषा की उन्नति के लिए... साहित्य के प्रसार के लिए
तिम्रो मायाले छाती / राजेश्वर रेग्मी
Kavita Kosh से
तिम्रो मायाले छाती कहिल्यै भर्न सकिन
यस पटक पनि तिम्रा लागि मर्न सकिन
बाढी आउँदा हाम्रा मायाका खोलाहरुमा
तर्छु भन्थें सङ्कोचका ज“घार तर्न सकिन
आउँछु भन्थेऊ मेरो मुटुको बाटो हुँदै
बाटोभरि स्वागतको फूल छर्न सकिन
चोट लाग्लान् कोमल ती पाउहरुमा
तिमीलाई भेट्न ओरालीमा झर्न सकिन
सुनेंथेँ खाली छन् तिम्रा मनका कोठाहरु
सोच तिम्रो मनमा डेरा सर्न सकिन
मेघ गर्जेथ्यो यो मनको आकाशभरि
मन थियो, साउन बनी पर्न सकिन
