तिम्रो सिउँदो सजाइदिने मेरो एउटै धोको / भैरवनाथ रिमाल कदम

तिम्रो सिउँदो सजाइदिने मेरो एउटै धोको
तिमीप्रति चाहना जुन मेरो सधैं चोखो

मेरो दिल नै उपहार तिमीलाई दिइसकें
बासी इच्छा नठानिदेऊ मैले चाहिसकें
मेरो व्यथा कथा बन्छ लहरा भै गीतको
ओइलिएको शीतलाई नि चाह हुन्छ शीतको

सपनामा सागर बन्छ अनेक यादमा कल्पी
जिउनु पर्ने जिन्दगीमा आशै आसमा अल्झी
पन्छिनदेऊ बहारसँग फूल भै हामी फुलौं
सून्यसँग नहराऔं हामी एक भै भुलौं