भारत की संस्कृति के लिए... भाषा की उन्नति के लिए... साहित्य के प्रसार के लिए
तिरंगा बसै मन मेरे / दिनेश शर्मा
Kavita Kosh से
जय हिंद के जयकारे सुण
मेरा माथा तन जावै सै
तिरंगा बसै मन मेरै
देख हौंसला आवै सै
तीन रंगा का म्हारा तिरंगा
ऊँचै आसमान लहरावै सै
तिरंगा बसै मन
सबतै ऊपर रंग केसरिया
देख गरव मन भावै सै
तिरंगा बसै मन
सफेद रंग बीच बसया
परेम शांति दिखावै सै
तिरंगा बसै मन
सारनाथ का चक्र ऊपर
गौरवगाथा गावै सै
तिरंगा बसै मन
हरा तीसरा रंग जिसका
जणूं समृद्धि छावै सै
तिरंगा बसै मन
