भारत की संस्कृति के लिए... भाषा की उन्नति के लिए... साहित्य के प्रसार के लिए
तुंहिंजी घोड़े ते हसुवारी - तुंहिंजी जोती झिरमिर वारी / लीला मामताणी
Kavita Kosh से
तुंहिंजी घोड़े ते हसुवारी - तुंहिंजी जोती झिरमिर वारी।
तुंहिंजो नूर वसे चौधारी - मुंहिंजा लाल साईं॥
1.
जल में थल में तुंहिंजा जाटी - जॻ मॻ जोति जॻाईनि
अखनि फुलनि जी भेटा आणें - रोज़ पलव था पाईनि
तुंहिंजा घरि घरि आज्ञाकारी - पाड़े पाड़े में पूॼारी
सॼे शहर में शेवाधारी - मुंहिंजा लाल साईं॥
2.
लुढ़न्दे लुढ़न्दे लुढ़ लहिरुनि में - तोखे जंहिं भी सारियो
तंहिंजो लुॾनदडु ॿुॾन्दडु ॿेड़ो - तो ई तिख मां तारियो
निउड़ी जंहिं बि कई नीज़ारी - तंहिंजी तो ई वाट संवारी
खिन में सारी आफ़त टारी - मुंहिंजा लाल साईं॥
3.
दर दर दाता भटिकी आहियां - कोन हलियो पर हीलो
हाणि त मूं लाइं ओट अझो - तूं ई वाह वसीलो
आयसि तो दरि मां दुखियारी - आहियां निधर निमाणी नारी
दाता दूलह ॾे दिलदारी - मुंहिंजा लाल साईं
तुंहिंजी घोड़े ते हसुवारी - तुंहिंजी जोती झिरमिर वारी।
